Kinke kakien ko ikijen deposit ewōr joñaer im rej māke jerbal, armej ro rej reen rej aikuj in kakwon aer pepa im jella jimwe ko aer ñan am jella kilen kōmman kōn ippen wōna in jikin jokwe eo kwoj reen jen e. Errein ej jot waween ko komaroñ kajeoñ bwe en rolwaj deposit eo am:
Juon letta ej kwalok jimwe ko am iumin kakien an alap-armej eo ej reen ñan an karol deposit eo am. Ejelok kajin ekkar ñan kien kwoj aikuj in kōjerbale ilo juon letta ñan wōna in jikin eo kwoj reen jen e. Botaab, ej juon ḷōmnak eman ñan likit kakien ko an āne eo ñan kwalok ñe ej debij jāān in deposit eo am ilo an jab loore kakien ak ilo an ejelok unin. Komaroñ karok juon raan ñan an wōr uak jen ir. Komaroñ bar kelet in kwalok ñan ir ke kwonij kōmman makūtkūt ko ekkar ñan kien ñe ejjab loore. Lale Waanjoñak in Letta ñan Kajitok Deposit āinwot juon waanjoñak, likit wōt ilo ḷōmnak eo am ke kajojo ien oktak im ej am bebe ñan lale letta eo bwe en toprak aikuj ko am. Letta ñan Alap eo bwe en Karol Jekurti Deposit – Iien Uak Kajitok ko emaroñ jibañ eok jeiki juon māke am letta.
Lale Uaak ñan Washington Uaak Washington ñan elaplok melele ikijen kōmman karōk im waween an maroñ in jerbal ñan kwe im uak burooblem ko ikotaan wōna-armej eo ej reen. Kōmman karōk naboj in Jikin Ekkajet eo an Kleim Jidik ekkā an pād ilo onean ko ekerere (pedped ion joñan jaan eo kwoj kōmmane), lale bwe kwon kajitok ippen jikin kōmman karok eo kin onean im jerbal in kōmman karōk.
Ro rej kōmman karōk renij pād ilo raan eo ilo jikin ekkajet ñe kwonij file ilo Jikin Ekajet eo an Kleim Jidik ñe komiro jimor alap eo am errā in bōk kunamiro.
Jikin Ekkajet eo an Kleim Jidik: Ippen Doon an Ro Rej Reen
Jikin Ekkajet eo an Kleim Jidik ilo Washington State: Washington Kakien Jibañ
Bukot Jekurti Deposit eo Am: Washington Kakien Jibañ
Jikin Ekkajet eo an Kleim Jidik ej juon waween eo ekkā an armej ro rej reen kōjerbale ñan aini jabdewōt melele jen wōna in joko rej reen. Boktok pepa ñan kwalok ñan jikin ekkajet eo āinwot kein kamol. Ej an Jikin Ekkajet eo an Kleim Jidik bebe in etaale kajur in pepa ko am im keij. Komaroñ etal wōt ñan jikin ekkajet eo jokdoon ñe ejelok am pepa, ak pād wōt ilo am jella ke judge ro rej kōmmane kelet ko aer pedped ion “kein kamol eo.” Juon waween eman ej pād iumin kelet eo an judge eo ilo jikin ekkajet eo an kleim jidik.
Jot men ñan ḷōmnak kake ñe ewōr am bar muri ak jabdewōt bar jekjek ippen wōna in ijo kwoj reen e: Ñe deposit eo ej pād wōt ilo an jañin rol, innem etal ñan Jikin Ekkajet eo an Kleim Jidik emaroñ juon kelet eo eman. Ak ñe armej eo ej reen ewōr an bar muri ippen wona eo, emaroñ in kōmman bwe ren bellok ñan juon bar keij (ilo waanjoñak, jab kola reen, onean jarom ak dān, joraan ñan jikin eo ekar reen, ak ñe armej eo ej kolla ekar jab maroñ in lelok kōjjelā eo ejimwe ñan duojlak. Ñe jikin ekkajet eo ej kelet ke joñan jaan eo ej muri ippen alap eo elaplok jen deposit eo, armej eo ekar reen emaroñ in jab rol lak deposit eo an im jot ien maroñ in muri ippen an wōr ḷōmnak ikijen jaan ñan ir. *Juon keij eo nae eok emaroñ jelot am kabbok am jerbal ilju jeklaj ak jikin jokwe im kakure kuredet boin ko am. Aurok bwe kwon lukkun etaale keij eo am mōkta jen am file. Lale Tōl in Jibañ ikjien Kakien an armej ro rej reen ñan kōnaan ippen juon lawyer im lale jekjek kein.
Ñe juon letta ejjab kōmman bwe en rolwaj jāān, jot ien file juon keij nae alap eo emaroñ in kōmman bwe en rolwaj deposit eo. Kememej wōt ke joñan woran kleim eo nae alap eo am ñan deposit eo emaroñ iwaj ilo an laplok, ilo kelet eo an judge eo, ñan am jab lelok deposit eo am ilowaan raan ko 30. Kajojo iien ko enij oktak, im enij am bebe im jabdewōt rojāñ kwoj lale bwe en kalikkar ta eo eman tata.
Tenants Union Tenant Counselors are not attorneys, and this information should not be considered legal advice. Please read our full Tenant Union Disclaimer.